ဘလော့ ကို ဖုန်းကနေကြည့် ချင်ရင်

ကျွန်တော့် ဘလော့ ကို ဖုန်းကနေကြည့် ချင်ရင် ဒီလင့်ကနေ....
ကြည့်နိူ်င်ပါ သည်...။
http://mobile.dudamobile.com/site/yetayzakyaw528
 

တွေးကြည့်ဖြေကြည့် မေးခွန်းလေးတွေ ဖြေကြည့်ရအောင် ...

ဒီတစ်ပတ် ညဏ်စမ်း အစီအစဉ်လေးပါ။

အပြင်းလည်းပြေ ညဏ်လည်းပွားစေဖို့ ကြိုးစားပြီး ဖြေကြည့်ပြီး အဖြေများကို comments သို့မဟုတ် cbox မှာရေးခဲ့ပေးပါနော်။ အပျော် သက်သက်ပေါ့ မေးခွန်းလေးတွေက လွယ်လွယ်လေး တွေပါ။ အဖြေတော့ မတင်ပေးတော့ဘူးနော် ..... သူငယ်ချင်းတွေက တော်ပါတယ်။

ကဲ ... အသင့်ဖြစ်ရင် တွေးကြည့်ဖြေကြည့်ရအောင်နော် ...

1။ လူတစ်ယောက်မှာ တန်ဖိုးမဖြတ်နိူင်တဲ့ အရာတစ်ခုက ဘာလဲ။

2။ လူတစ်ယောက်ဟာ တစ်ခုခု အဆင်မပြေရင်
အရိပ် ၃ ခုကိုအမြဲတမ်းတ တတ်တယ်။

3။ လူတွေဟာ အရာရာကို အမိန့်ပေး စေခိုင်းလို့ ရပေမဲ့
အရာနှစ်ခုကိုတော့ အမိန့်ပေး လို့မရဘူး။

4။ ကမ္ဘာပေါ်မှာ အသန်မာဆုံးနဲ့ အမြန်ဆုံးဟာ
ဘာတွေလဲ။

5။ ကမ္ဘာပေါ်မှာ အကျယ်ပြန့်ဆုံးအရာဟာ ဘာလဲ။

6။ အနူးညံ့ဆုံးသော အရာတစ်ခုက ဘာလဲ။

7။ လူတစ်ယောက်ရဲ့ အကောင်းဆုံး အချိန်ဟာ ဘာလဲ။

8။ အချစ်နဲ့ နီးနီး နေတတ်တဲ့ သူတွေက ဘယ်သူတွေလဲ။

9။ အပင်မြင့်မြင့် ညမှပွင့်။

10။ အိမ်ရှိသော်လည်း လူမရှိ လူရှိသော်လည်း အသံမကြား။

11။ အမြဲတမ်း အလုပ်လုပ်နေသူ ဘယ်သူလဲ။

12။ ညတွေမှာ ဘာလိုအပ်သလဲ။

13။ ငယ်ငယ်က အစိမ်းရောင် ကြီးလာတော့ အနီရောင်။

14။ ကြည့်လေ ဝေးလေ ဝေးလေကြည့်လေ။

15။ အမြင်နီး၍ ခရီးဝေး။

17။ သင့်အနားမှာ အမြဲရှိနေတတ်သူ ဘယ်သူလဲ။

18။ ငှက်ကလေးတွေ ပျော်တတ်တဲ့ အချိန်လေးက။

19။ တစ်နေ့တစ်နေ့ လူတွေဟာ ဘာတွေရှာနေတာလဲ။

20။ အမြဲ ခိုင်မြဲတဲ့ ကြိုးလေးတစ်ခုက။

21။ လူတိုင်း ပြောဖူးတဲ့ စကားလေးနှစ်ခွန်းတဲ့။

22။ အရှေ့က သွားနေပေးမဲ့ အနောက်က လုံးဝလိုက်လို့ မမှီဘူးတဲ့။

23။ ကမ္ဘာကြီးတစ်ခုလုံးကို ဆက်သွယ်ထားတဲ့ အရာတစ်ခုက။

24။ ကိုယ့်ကိုယ်ကို မြင်ရတဲ့အရာတစ်ခုက။

25။ အစ အဆုံးမရှိတဲ့ အရာတစ်ခုက။

26။ အသက်ကြီးလာရင် သတိရ တမ်းတနေတဲ့ အရာတစ်ခု။

27။ မိုးရွာရင် ဘယ်သူတွေက ပျော်ကြသလဲ။

28။ ခုတ်လို့ မပြတ် သတ်လို့မသေတဲ့အရာ။

29။ မျက်စီလေးလုံး ရှိတဲ့လူတွေက ဘယ်သူတွေလဲ။

30။ လူကိုမစောင့်တဲ့ အရာ ၃ ခုက ဘာတွေလဲ။

မေးခွန်လေးတွေက ဒီလောက်ပါပဲ ..... အဖြေလေးတွေကို စဉ်းစားကြည့်ပါနော်... သယ်ရင်းတို့ သိပြီးသားလေး တွေလည်းဖြစ်ရင်ဖြစ်မှာပါဘာပဲဖြစ်ဖြစ် ....

 ပျော်ရွှင်ပါစေ ...နော်.....သိတဲ့အဖြေတွေ comment မှာရေးသွားနော်....

စမ်းတော့လည်း ကြမ်းပြလေတဲ့ အိမ်"

တက္ကသိုလ်ကျောင်းတော်သားဘ၀မှာ ပထမနှစ်မှာတင် အဆောင်သုံးဆောင်ပြောင်းခဲ့ရပါတယ်။ အကြောင်းရင်းကတော့ အဆောင်ရှင်တွေနဲ့ မတည့်လို့ပါပဲ။ ဒုတိယနှစ်အရောက်မှာတော့ အဆောင်နေဖို့မကြိုးစားတော့ပဲ လုံးချင်းအိမ်လေးတလုံးငှားနေဖို့ဆုံးဖြတ်ပြီး အိမ်အရှာထွက်ရင်းက လုံးချင်းတိုက်လေးတလုံးငှားဖြစ်သွားရောဆိုပါတော့။ ငှားဖြစ်သွားတယ်ဆိုပေမယ့် သာမန်ထက်ထူးခြားတာလေးတခုတော့ ကြုံလိုက်ရပါတယ်။ တချို့ တချို့သော အိမ်ရှင်တွေလို ဒီအိမ်က စီးပွားတက်တယ်၊ လာဘ်ကောင်းတယ် အစရှိတဲ့ ကိုယ့်ဘက်ကိုယ်ယက်ပြီး ပြောတတ်ကြတဲ့ အိမ်ရှင်တွေရဲ့ ကိုယ့်အိမ်ကို ချီးမွမ်းထောပနာသံမျိုးမကြားရပဲ " ဒီအိမ်မှာ အစောင့်အရှောက်ရှိတယ်။ မဟုတ်တာ မကောင်းတာ လုပ်တာကိုမပြောနဲ့.. ပေါက်တတ်ကရတွေ ပြောဆိုလို့တောင် မရဘူးနော် " လို့ အိမ်ရှင်အိမ်ငှား စာချုပ်မချုပ်ခင်မှာ အသေအချာ မှာလိုက်ခြင်းပါပဲ။


            သူငယ်ချင်းတယောက်ရဲ့ အကိုဖြစ်သူက ဒီအိမ်လေးအကြောင်းကို တစွန်းတစပြောသွားတာလေးကလည်း အားရစရာပါ။
" မင်းတို့ခုငှားလိုက်တဲ့ အိမ်က အရင်တုန်းက မိန်းကလေးအဆောင်ကွ၊ တရက်တော့ အဆောင်က ကောင်မလေးတွေ အားလုံး ရုပ်ရှင်သွားကြည့်ကြတယ်။ သူတို့ထဲက တယောက်ကတော့ နေမကောင်းလို့လား ဘာလို့လဲမသိပါဘူး မလိုက်သွားပဲ ကျန်နေခဲ့ရော...။ သူ့သူငယ်ချင်းတွေ အကုန်လုံး အပြင်ထွက်သွားပြီး တော်တော်ကြာတော့ အိမ်ထဲကနေ အော်ဟစ်ပြီး ထွက်ပြေးလာတာကို ငါတို့ရပ်ကွက်ထဲကလူတွေ တော်တော်များများ တွေ့လိုက်ကြတယ်။
ဖြစ်ပုံက သူတယောက်တည်း အိမ်မှာကျန်နေခဲ့တုန်း ၀တ်ဖြူစင်ကြယ်ဝတ်ထားတဲ့ အဖိုးကြီးတယောက် သူ့ရှေ့တည့်တည့်မှာ ရုတ်တရက်ပေါ်လာတာကို မြင်လိုက်ရလို့ ကြောင်အားလန့်အားနဲ့ အိမ်ထဲကနေ ပြေးထွက်လာတာတဲ့ကွ.....။ အိမ်ပြင်ရောက်တော့ ကြောက်ကြောက်လန့်လန့်နဲ့ ဂယောင်ဂတမ်းတွေ ပြောပြီးအော်ဟစ်နေလို့ ပတ်ဝန်းကျင်က ခေါ်ထားလိုက်ရတယ်။ နောက်နေ့မနက်မိုးလင်းတော့ အဲ့ကောင်မလေး ရူးကြောင်ကြောင်ဖြစ်နေပြီ...။ ကျောင်းတောင်မှ ပြီးအောင်ဆက်မတက်လိုက်ရပဲ သူ့အိမ်က ပြန်လာခေါ်သွားရတယ်တဲ့။ နောက်လေးငါးခြောက်လလောက်ရှိမှ ပုံမှန်အတိုင်းပြန်ဖြစ်သွားပြီး ကျောင်းပြန်တက်နိုင်တာ မင်းတို့လည်း အဲ့ဒီအိမ်မှာနေမယ်ဆိုရင် အနေအထိုင်တော့ ဆင်ခြင်နော်" တဲ့။  " သြော်... ဟုတ်ကဲ့ " လို့ပဲ သူ့စကားကို တုံ့ပြန်ပြီး စိတ်ထဲမှာ အမှုမဲ့အမှတ်မဲ့ ထားလိုက်ပါတယ်။
          ကိုယ့်စိတ်တိုင်းကျနေလို့ရအောင်ဆိုပြီး ငှားဖြစ်လိုက်တဲ့ဒီအိမ်လေးမှာ ဒုတိယနှစ်တက္ကသိုလ်ကျောင်းသား ကျွန်တော်တို့သူငယ်ချင်းလေးယောက်ရယ်၊ ကျွန်တော့်သူငယ်ချင်းတယောက်ရဲ့ ညီဝမ်းကွဲနဲ့ သူ့အပေါင်းအသင်းသုံးယောက်ရယ် စုစုပေါင်းရှစ်ယောက်တိတိ နေဖြစ်ခဲ့ကြပါတယ်။ အိမ်လေးကခပ်သေးသေးဆိုပေမယ့် ခြံဝင်းကတော့ အတော်လေး ကျယ်ကျယ်ဝန်းဝန်းရှိတော့ အားကစားလေ့ကျင့်ခန်းတွေဘာတွေ လုပ်ရတာလည်း အဆင်ပြေသလို ကျွန်တော်တို့အိမ်နဲ့ မလှမ်းကမ်းမှာလည်း ကျောင်းသူတွေသီးသန့်နေတဲ့ အဆောင်တွေကလည်းရှိပြန်တော့ နေရထိုင်ရတာ အတော်လေး စိုစိုပြေပြေရှိတယ် ဆိုပါစို့။           အဆောင်နေကျောင်းသားမဟုတ်တော့ပဲ အပြင်မှာငှားနေခြင်းရဲ့ နောက်ဆက်တွဲ အကျိုးဆက်အဖြစ်နဲ့ ကျွန်တော်တို့ ဒုတိယနှစ်ကျောင်းတော်သားလေးယောက်က ညဆိုရင် ယမကာလေးမှီဝဲသုံးဆောင်ပြီးမှ ပြန်လာတတ်ကြပါတော့တယ်။ ပြန်ရောက်တာနဲ့ အိပ်ယာပေါ်ဒိုင်ဗင်ထိုးပြီး အိပ်လိုက်ကြတာများပါတယ်။ ပထမနှစ်ကျောင်းသားတွေကတော့ ကျောင်းကို စရောက်ခါစမို့ အပေါင်းအသင်းလည်း သိပ်မရှိသေးလို့ထင်ပါရဲ့။ ဟိုဟိုဒီဒီ သွားတာလာတာမျိုးသိပ်မတွေ့ရပဲ အိမ်မှာပဲနေတတ်ကြပါတယ်။ နောက်ပြီးတော့ ကျွန်တော်တို့ အကြီးလေးယောက်က အပြင်ဆိုင်တွေမှာပဲ ဝမ်းရေးကို ဖြေရှင်းတတ်ကြပေမယ့် သူတို့ကတော့ အဆောင်မှာပဲ ထမင်းဟင်းချက်စားကြတယ်လေ။ ကျွန်တော်တို့ချာရာဏသီရွှေပြည်ကြီးရဲ့ လျှပ်စစ်မီးဆိုတာက အများသိတော်မူကြတဲ့အတိုင်း ညကြီးအချိန်မတော် (၂)ချက်တီးလောက်မှပဲ မီးအားကကောင်းတတ်တာဆိုတော့ အဲ့ဒီအချိန်လေးချက်မှ ထမင်းကောင်းကောင်းရတယ်ဆိုပြီး သူတို့တွေခမျာ အဲ့ဒီအချိန်ကျမှ ဒုက္ခခံ၊ အိပ်ပျက်ခံပြီး အလှည့်ကျစနစ်နဲ့ ထမင်းထချက်ကြပါတယ်။


            ဒီလိုနဲ့ သူတို့လေးယောက် ထမင်းဟင်းထချက်ကြတာ ပထမလမှာတော့ ဘာအသံဗလံမှမကြားရပဲ ပုံမှန်အတိုင်းပါပဲ။
တရက်တော့ဖိုးကျော်ဆိုတဲ့ ကောင်လေးအလှည့်ရောက်လာတယ်။ သူထမင်းထချက်နေတုန်း မီးဖိုခန်းတံခါးကို လာခေါက်ပါလေရော။ စဉ်းစားကြည့်လေ အချိန်မတော်ကြီးတယောက်တည်း ရှိနေတုန်းမှာ တံခါးခေါက်သံကြားလိုက်ရတော့ တော်တန်ရုံသတ္တိကောင်းပါတယ်ဆိုရင်တောင်မှ အနည်းနဲ့အများတော့ လန့်သွားမှာပဲမဟုတ်လား။ တခါလည်းမဟုတ် နှစ်ခါလည်းမဟုတ် သုံးလေးခေါက်လောက် တံခါးလာခေါက်နေတော့ သူလည်း အိပ်နေတဲ့လူတွေအကုန်လုံးကို လာနှိုးပါလေရော။ အိမ်ကို ဓါးပြများလာတိုက်သလားဆိုပြီး ထကြည့်ကြတော့လည်း ဘာမှမတွေ့ရပါဘူး။ ထကြည့်ကြတဲ့အထဲမှာ ကျွန်တော်တော့မပါလိုက်ပါဘူး။ အမူးလွန်ပြီး အိပ်ပျော်နေလို့ မနက်ကျမှ သူတို့ပြန်ပြောလို့ သိရတာ။


            နောက်လေးရက်မြောက်နေ့မှာတော့ မောင်ကောင်းအလှည့်ရောက်လာပြန်ပါတယ်။ သူ့ကိုလည်း ဖိုးကျော်တုန်းကလိုပဲ တံခါးလာခေါက်ပြန်ပါတယ်။ ဒါနဲ့ပဲ ထမင်းချက်ရင် နှစ်ယောက်တွဲစနစ်နဲ့ ချက်တဲ့အခြေအနေကို ရောက်သွားတော့တာပဲ။ ဖိုးကျော်နဲ့ ဇေယျက တတွဲ၊ မောင်ကောင်းနဲ့ နောက်တယောက်က တတွဲဆိုပြီး သူတို့အချင်းချင်း စားတော်ကဲ အချိန်ဇယားနဲ့ ချက်ကြတာပါ။ မောင်ကောင်းတို့အတွဲ အလှည့်ကျရင် ဘာမှမထူးခြားပေမယ့် ဖိုးကျော်တို့အတွဲအလှည့်ကျပဟေ့ဆိုရင် ပြဿနာက ဝင်လာပြီ။ ဖိုးကျော်တို့အတွဲထမင်းချက်တဲ့အချိန်မှာ အရိပ်မည်းမည်းတခုက မတ်တပ်ရပ်နေတာကို ဆန်ဆေးနေတဲ့ ဖိုးကျော်က မမြင်ပဲ ဇေယျက အရင်ဆုံးစမြင်ပါတယ်။ ဇေယျက " ဖိုးကျော် ... မင်းနားမှာ ဘာကြီးလဲ " ဆိုပြီးမေးတော့ ဖိုးကျော်ဆေးလက်စ ဆန်တွေထည့်ထားတဲ့ အိုးကို ပစ်ချပြီး ဇေယျနားကို ပြေးလာတော့တာပါပဲ။ ဇေယျခမျာလည်း ကြောက်လန့်ပြီးဖိုးကျော်နဲ့အတူတူ အော်ဟစ်ပြီး အိပ်နေတဲ့လူတွေကို လိုက်နှိုးတော့တာပဲဗျို့။ ဒီတခေါက်တော့ ကျွန်တော်လည်း နိုးပါတယ်။ သူတို့ကို ဖျောင့်ဖျနှစ်သိမ့်ပြီး ပြန်အိပ်ကြပါတယ်။ မနက်မိုးလင်းတော့ ပထမနှစ်ကောင်လေးတွေက ကျွန်တော်တို့ကို အဆောင်ပြောင်းနေဖို့ လာပြောကြပါလေရော။ ဘယ်လိုမှကို ချော့ပြောလည်းမရ၊ ညှိလို့လည်းမရတော့ဘူး။ သူတို့လေးယောက်မရှိတော့ရင် ကျွန်တော်တို့ လေးယောက်တည်းနဲ့ အိမ်လခပေးရမယ်ဆိုလည်း တွက်ချေမကိုက်တော့တာမို့ သူတို့ကို နည်းအမျိုးမျိုးနဲ့ စည်းရုံးရေးဆင်းပေမယ့် မရရေးချ မရတော့ဘူးဗျာ။ " မင်းတို့ စိတ်ချောက်ချားလို့နေမှာပါကွ " ဆိုပြီး ဘာဘာညာညာတွေကို အကြာကြီးဝိုင်းပြောကြပေမယ့် သူတို့ ပြောလိုက်တဲ့ စကားတခွန်းတည်းကြောင့် ကျွန်တော်တို့လည်း ကျွန်တော်တို့ရဲ့ စည်းရုံးရေးကို လက်မြှောက်အရှုံးပေးလိုက်ရပါတော့တယ်။ အဲ့ဒါကတော့ ဒီအိမ်မှာရှိတဲ့ ရေစက်က ဘယ်သူမှမဖွင့်ပါပဲနဲ့ သဘောကောင်းလွန်စွာနဲ့ အလိုလိုနေရင်းနဲ့ ခဏခဏ သူ့အလိုလို ပွင့်ပြီးမောင်းနေတတ်တဲ့ အချက်ပါ။ တခါတလေဆိုရင် နေ့ခင်းနေ့လည်ပိုင်းတွေမှာလည်း ရေစက်က အော်တိုငုတ်တုတ် ထလည်ရင် လည်နေတတ်ပါသေးတယ်။ ဘယ်သူတဦးတယောက်မှ မဖွင့်ပဲနဲ့ မီးမပျက်မချင်းလည်နေလိုက်တာများ တခါတုန်းကဆိုရင် ရေတွေ ခြံထဲအထိတောင် ရောက်နေတာကို ကြုံခဲ့ဖူးပါရဲ့။ အဲ့လို ခဏခဏကြုံရလွန်းအားကြီးလို့ ရေစက်ခလုတ်နားမှာတောင် "အိပ်ခါနီးရေစက်ပိတ်ရန်" လို့ စာရေးပြီး ကပ်ထားရတယ်ဗျာ။ ကျွန်တော်တို့အားလုံး သတိထားပြီး ခလုပ်ကိုပိတ်ကြပေမယ့် မနက်မိုးလင်းလာရင် ရေစက်ကို ဖွင့်လျက်သားနဲ့ တွေ့ရတတ်ပါတယ်။ အိမ်မပြောင်းဖို့ ဆွယ်တရားဟောနေတဲ့ ကျွန်တော်တို့ကို ဘာမှဆက်မပြောနိုင်တော့အောင် သူတို့လေးယောက်မေးခွန်းထုတ်လိုက်ပုံကတော့   "အကိုတို့ပြောသလို သရဲမခြောက်ဘူးပဲ ထားပါတော့၊ ဒါဆိုရင် အကိုတို့ ရေစက်ကြီးအလိုလို ပွင့်မလာစေရဘူးလို့ အာမခံနိုင်မလား..?? အစ်ကိုတို့ အဲ့ဒီတချက်ကို အာမခံနိုင်မယ်ဆိုရင် ကျွန်တော်တို့လေးယောက် ဒီအိမ်မှာ အကိုတို့နဲ့အတူတူဆက်နေမယ်" တဲ့။ အဲ့ဒီတော့မှ ခက်ကုန်တော့တာ။ ညှိနှိုင်းလို့ ဘယ်နည်းမှမရတော့တဲ့ အဆုံးမှာတော့ သူတို့လေးယောက်လည်း ကျွန်တော်တို့အိမ်ကနေ တခြားအဆောင်တခုကို ပြောင်းသွားကြပါတော့တယ်။


             သူတို့ပြောင်းသွားပြီးနောက်မှာတော့ ကျန်ရစ်သူကျွန်တော်တို့လေးယောက်အလှည့်ကို ရောက်လာပါလေရောဗျို့။ တနေ့တော့ ကျွန်တော်နဲ့ ကျွန်တော်သူ့ငယ်ချင်းတယောက် ညဆယ့်တစ်နာရီထိုးလောက်မှ အဆောင်ကို ပြန်လာကြတယ်။
ကျန်တဲ့နှစ်ယောက်ကတော့ ပြန်မရောက်သေးပဲ ဘယ်အဆောင်ရှေ့မှာသွားပြီး မူးမူးနဲ့ ဂစ်တာတီးနေကြတယ်မသိဘူး။ ကျွန်တော်တို့နှစ်ယောက် ခြံရှေ့ရောက်လို့ ခြံတံခါးသော့ကိုဖွင့်နေတုန်းမှာ အိမ်နောက်ကို လူရိပ်နှစ်ခုပြေးဝင်သွားတာကို ကျွန်တော်ရော၊ ကျွန်တော်နဲ့အတူတူပြန်လာတဲ့သူငယ်ချင်းပါ မြင်လိုက်ကြရတယ်။ ဘာများပါလိမ့်ဆိုပြီး အထိတ်တလန့်နဲ့ ကျွန်တော်တို့ဆိုင်ကယ်တွေတောင် ခြံထဲမသွင်းပဲ ချက်ချင်းကို အဲ့ဒီအရိပ်နှစ်ခုပြေးဝင်သွားရာနောက်ကို အတင်းပြေးလိုက်သွားကြရော။ ခဏခဏရန်ဖြစ်တတ်လွန်းတဲ့ ကျွန်တော်တို့လေးယောက်မှာ ဘေးကင်းရန်ကာအနေနဲ့ သံတုတ်တွေကို လက်လှမ်းမီရာနေရာမှာ ထားတတ်တဲ့ အကျင့်ကရှိနေတော့ ထားနေကျနေရာက သံတုတ်တွေကပျာကယာဆွဲပြီး လိုက်သွားကြတာ အိမ်နောက်ကိုရောက်တော့ ဘာအရိပ်အယောင်မှ မတွေ့ရဘူး။ ကျွန်တော်တို့ခြံဝင်းထဲမှာက မှောင်ရိပ်ခိုပြီး ပုန်းစရာ၊ ခိုစရာနေရာလည်း သိပ်မရှိပဲနဲ့ ခုလိုဖြစ်တော့ နည်းနည်းတော့ မထူးဆန်းပေဘူးလားဗျာ။ ဒါနဲ့ပဲ ကျွန်တော်တို့နှစ်ယောက် တယောက်ကို တယောက်ကြည့်ပြီး ခြံဝကိုပြန်ထွက်၊ ဆိုင်ကယ်တွေလည်း ခြံထဲကို မသွင်းတော့ပဲ အပြင်ကို ပြန်ထွက်လာခဲ့ကြပါတော့တယ်။ မှန်ရာကို မရှက်စတမ်းဝန်ခံရရင်တော့ ကြောက်လို့ပါ။  အဲ့ဒီညက ကျွန်တော်တို့နှစ်ယောက် သူများအဆောင်မှာပဲ သွားအိပ်လိုက်ကြပါတယ်။ ကျန်တဲ့နှစ်ယောက်ကတော့ အိမ်ကိုပြန်လာပြီး အိပ်ကြပေမယ့် သူတို့နှစ်ယောက်ကတော့ ဘာမှ မဖြစ်လိုက်ကြပါဘူး။

           နောက်ပိုင်းမှာလည်း အဲ့လိုပဲ ဟိုနားသည်နားကနေ အရိပ်အယောင်ပြတာမျိုး၊ အသံဗလံပေးတာမျိုးနဲ့ ခြောက်တာလှန့်တာကို ခံရပါတယ်။ ဒါပေမယ့် ထူးထူးခြားခြား အရမ်းကြီး ကြောက်လန့်ရလောက်အောင်တော့ မကြုံခဲ့ရပါဘူး။ စာသင်နှစ်ဝက်လေးလပြီးချိန်မှာတော့ လေးယောက်တည်းနဲ့ အဲ့ဒီအိမ်ငှားခကို ပေးနေရတာ ဘဏ္ဍာရေးအကြပ်အတည်းဖြစ်လာတာကတကြောင်း၊ အုပ်ထိန်းမယ့်သူမရှိတဲ့ ကျွန်တော်တို့တတွေ မကြာမကြာ ရန်ပွဲတွေနွှဲရတာများလာတာကလည်း တကြောင်း၊ အိမ်လုံးချင်းငှားနေတဲ့ ကျွန်တော်တို့ဆီကို သူငယ်ချင်းတွေ အကြောင်းအရာမျိုးစုံနဲ့ လာလာပြီးနှိပ်စက်တဲ့ ဒဏ်ကိုမခံနိုင်ကြတော့တာလည်းတကြောင်း အဲ့လိုအကြောင်းသုံးပါးကြောင့် နောက်နှစ်ဝက်မှာ အိမ်ပြန်အပ်မယ်လို့ တိုင်ပင်ဆုံးဖြတ်လိုက်ကြပါတော့တယ်။



               ကျွန်တော်တို့လေးယောက်သား အိမ်ပြန်အပ်ဖို့ စီစဉ်နေတုန်းမှာ ကံဆိုးချင်တဲ့ မောင်ရှင်တအုပ်စုပေါ်လာပါရော။ ကျွန်တော်တို့နဲ့မေဂျာတူသူငယ်ချင်းတယောက်က အဆောင်လုံးချင်းငှားနေချင်လို့ ရှိရင်လက်တို့စမ်းပါလို့ ပြောထားတာကို သွားသတိရတော့ ကျွန်တော့်တို့လည်းသူ့ကို ကျွန်တော်တို့နေနေတဲ့အိမ်ကို ဆက်ငှားချင် ငှားလို့ ပြောလိုက်တယ်။ အိမ်နဲ့ပတ်သက်ပြီးတော့ အခြောက်အလှန့်ရှိတယ်ဆိုတာကိုလည်း ကြိုကြိုတင်တင်ပြောဖြစ်လိုက်ပါသေး။ သူကလည်း ကိစ္စမရှိဘူး ရတယ်ဆိုပြီးတော့ နောက်နှစ်ဝက်မှာ အဲ့ဒီအိမ်ကို သူဆက်ငှားလိုက်ပါတယ်။ ပထမတစ်လမှာတော့ အေးအေးဆေးဆေးပါပဲ။နောက်ပိုင်းတော့ သူတို့လူစုထဲက တယောက်ကို ခြောက်တယ်လို့ ကြားရပါတယ်။ ဘယ်လိုဘယ်ပုံခြောက်တယ်ဆိုတာတော့ ကျွန်တော်လည်း အသေအချာမသိပါ။ သရဲခြောက်ခံရတယ်ဆိုတဲ့ကောင်ပြောတာကိုလည်း ကျန်တဲ့လူတွေက သိပ်ပြီးအရေးလုပ်ပုံမရပါဘူး။ ကျွန်တော်တို့နေတုန်းကထက် သူတို့က အင်အားတောင့်တော့လည်း သိပ်မကြောက်ကြတာလည်း ဖြစ်မှာပေါ့လေ။             တညမှာတော့ သူတို့တွေထဲက နှစ်ယောက်က အဲ့ဒီအိမ်ရဲ့ဧည့်ခန်းမှာ အရက်ထိုင်သောက်နေကြတယ်။ နောက်တယောက်ကတော့ အိပ်ခန်းထဲမှာ စာအုပ်ဖတ်နေတယ်တဲ့။ သောက်ရင်းနဲ့ ည (၁၀) နာရီကျော်လောက်ရောက်လာတော့ အရှိန်လေးကလည်း ကောင်းလာရောဆိုပါတော့။ အဲ့ဒီမှာ အရက်သောက်နေရင်းနဲ့ ပေါက်တတ်ကရတွေလျှောက်ပြောမိလာကြတော့တာပဲ။ " ဒီအဆောင်က သရဲခြောက်တယ်ပြောတယ်၊ တို့ကိုကြတော့ ဘာမှလည်း မခြောက်ဘူး။ ရှိရင်ထွက်ခဲ့ အရိုးကျွေးမယ်"   ဆိုပြီးတော့ သူတို့စားပြီးသား ကြက်ရိုးကို အိမ်ပေါက်ဝဘက်ကို လှမ်းပစ်လိုက်တယ်တဲ့ ခင်ဗျ။ သူတို့စကားဆက်ပြောနေကြတုန်းမှာပဲ ခဏလောက်နေတော့ ထမီရင်လျားနဲ့ အမျိုးသမီးတယောက် သူတို့အိမ်ပေါက်ဝမှာ သူတို့ကို ကျောခိုင်းပြီး မတ်တပ်ရပ်ပြပါတယ်။ သူတို့ စိတ်ထဲဇဝေဇဝေနဲ့ အရက်မူးနေလို့ ထင်ရောင်ထင်မှားဖြစ်လေသလားဆိုတဲ့အတွေးနဲ့ နောက်တကြိမ်သေချာအောင် ထပ်စမ်းမယ်ဆိုပြီးတော့ ထပ်ပြောလိုက်ပါတယ် " ခုတစ်ခါ အသားပါကျွေးမယ်လာခဲ့" ဆိုပြီးတော့ ဖိတ်ခေါ်လိုက်တော့ ဘာပြောကောင်းမလဲလေ။ တကယ်လာပါတယ်။ အဟုတ်လာပါတယ်။ ခုတစ်ခါတော့ နောက်ဖေးအပေါက်ဝမှာ တော်တော်ကြာအောင် မတ်တပ်ရပ်ပြ နေတာပါ။ ဟိုနှစ်ယောက်လဲ ကြောက်ပြီး အခန်းထဲက တစ်ယောက်ကို အော်ပြောပြီး ပြေးကြပါတယ်။ အခန်းထဲက တစ်ယောက်က အခန်းပြင်ထွက်လာပြီး အပေါက်ဝက မိန်းမကိုထပ်မြင်ပြီး ထပ်ပြေးရပါတယ်။ သူတို့ အဆောင်တူ သူငယ်ခြင်းတွေ ရှိတဲ့ လ္ဘက်ရည်ဆိုင်ထိ ထွက်ပြေးကြပါတယ်။ အဲဒီအဖြစ်အပျက်ကို ပြန်ပြောပြပြီး အဆောင်သား ၁၀ယောက်ကျော်ဟာ အဲဒီည အဆောင်ပြန်မအိပ်ရဲပဲ လ္ဘက်ရည်ဆိုင်မှာပဲ အိပ်လိုက်ကြပါတယ်။ မနက်ကျတော့ သူတို့အဆောင်သစ်လိုက်ရှာပါတော့တယ်။ ခုထိဘယ်သူမှအဲဒီအဆောင်ကို မငှားတော့ဘူးလို့ကြားပါတယ်။

                     မယုံလို့ပဲဖြစ်ဖြစ်၊ ကိုယ်တိုင်ကြုံပြီး ဇာတ်လမ်းသစ်တွေ ပေးချင်ရင်ပဲဖြစ်ဖြစ် အဲ့ဒီအိမ်ကလေးကို ငှားနေချင်ကြရင်ဖြင့် ဒီဇာတ်လမ်းလေးပြန်ပြောပြတဲ့ ကို Wai Phyoe ကိုအိမ်လိပ်စာ မေးပြီး နေကြည့်ကြဖို့တော့ ချွန်တွန်းလုပ်ပါရစေ။
ဒါမှလည်း နောက်ထပ် နောက်ထပ် ဇာတ်လမ်းဖြစ်ရပ်မှန်တွေ မပြတ်တမ်းရမှာပေါ့ ဟုတ်ဖူးလား။ ခုတော့ တော်ကြဦးစို့ရဲ့။


 ဇာတ်လမ်းပြောပြပေးတဲ့ ကို Wai Phyo ကို
စဉ်လာမပျက် ကျေးဇူးတင်လျက်
ီ
အိမ်လည်းငှားမနေ၊ ကြက်ကြော်လည်း မဝေမျှတော့သူ

(အက်ဒမင်-ရွာတော်ရှင်)

မေးခွန်းလေးတွေ ဖြေကြမယ် (တွေးကြည့်ဖြေကြည့်)

ဥာဏ်စမ်းလေးတွေပါ ဖြေကြည့်ကြနော်အားလပ်တဲ့အချိန်လေးတွေမှာပေါ့

သယ်ရင်းတို့ရေ ......
သယ်ရင်းတို. အောက်မှာ ပါတဲ့ I.Q မေးခွန်း လေးတွေကို အချိန်ယူစဉ်းစား မနေပဲ ဖြေကြည့်ကြရအောင်လား...အလုပ်တွေနဲ့ ရူပ်ထွေးပြီးမွန်းကျပ်နေတဲ့ တို.တွေ ဘ၀မှာ ခဏပဲဖြစ်ဖြစ်ပေါ့ စိတ်ထွက်ပေါက်လေး ပေးကြည့်ရအောင် အရေးကြီးတာက ရိုးရိုးသားသား နဲ့ဖြေဖို.ပါပဲ ကဲစလိုက်ရအောင် .....

ဒီဥာဏ်စမ်းက အမေရိကန် Harvard တက္ကသိုလ်ရဲ့ ၂၀၀၁ခုနှစ်မှာ Institute of Science
ဂုဏ်ထူးတန်းကိုမေးတဲ့ မေးခွန်းလိုဆိုထားပါတယ်။

မေးခွန်း ၁

အကယ်၍
၁= ၅
၂= ၂၅
၃= ၁၂၅
၎= ၆၂၅
၅= ?

လူတော်တွေတက်တဲ့ ဟားဗတ်ရဲ့မေးခွန်းကို ဖြေကြည့်ကြရအောင်... တို့အားလုံးမှာ ဟားဗတ် တက်နိုင်တဲ့ အရည်အချင်းရှိကြပါတယ်။

မေးခွန်း ၂

ချိုချဉ်တစ်လုံးကို ၁ကျပ်ပေးရတယ်။
ချိုချဉ်အခွံ ၃ခုကို ချိုချဉ်တစ်လုံးနဲ့ လဲနိုင်တယ်။
၁၅ ကျပ်ဖိုး ၀ယ်တယ် ဆိုပါစို့။
စုစုပေါင်း ချိုချဉ်ဘယ်နှစ်လုံး စားရမလဲ.. ?

က) ၀ လုံး
ခ) ၁၅ လုံး
ဂ) ၂၀ လုံး
ဃ) ၂၁ လုံး
င) ၂၂ လုံး

မေးခွန်း ၃

တစ်ခါက ဆရာတစ်ဦးဟာ ဒီလို ဥာဏ်စမ်းထုတ်သတဲ့။ ဆွံအသူ တစ်ယောက်ဟာ ဆိုင်တစ်ဆိုင်မှာ သံချောင်းဝယ်ဖို့ သွားခဲ့တယ်။ သူက ဆိုင်ရှင်ကို ဘယ်ဖက်လက်ကို သံချောင်းသဏ္ဍာန် လုပ်ပြပြီး ညာဖက်လက်ကို သံရိုက်သွင်းနေတဲ့ ပုံစံလုပ်ပြသတဲ့။ ဆိုင်ရှင်က သဘောပေါက်တဲ့ ပုံစံနဲ့ ခေါင်းညိတ်ပြပြီး သူ့ကို သံရိုက်တူ ကမ်းပေးလိုက်တယ်။ ဆွံအသူက မဟုတ်ကြောင်း ခေါင်းခါပြပြီး သံချောင်းပုံ လုပ်ထားတဲ့ လက်ကို ညွှန်ပြသတဲ့။ အဲဒီတော့မှ ဆိုင်ရှင်က သူ့ကို သံချောင်း ကမ်းပေးလိုက်တယ်။

အဲဒီအချိန်မှာ မျက်မမြင်တစ်ဦး ရောက်လာခဲ့တယ်။ မျက်မမြင်က သူဝယ်မဲ့ ကတ်ကြေးကို ဆိုင်ရှင်နားလည်အောင် ဘယ်လို အလွယ်ဆုံးနည်းနဲ့ ရှင်းပြခဲ့သလဲ..? သင်ဟာ အတန်းထဲက ကျောင်းသားတစ်ဦးဆိုရင် သင့်အဖြေက ဘာလဲ... ?

မေးခွန်း ၄

(၁) အပြေးပြိုင်ပွဲမှာ ခင်ဗျားဝင်ပြိုင်တယ် ဒုတိယနေရာကလိုက်နေတဲ့သူကို ခင်ဗျားကျော်တက်တယ်..။
ကိုင်း...အခုခင်ဗျား ဘယ်နေရာကပြေးနေတယ်ထင်လဲ...။

(၂)နောက်ဆုံးကလိုက်နေတဲ့သူကိုခင်ဗျားကျော်တက်လိုက်တယ်ခုခင်ဗျားဘယ်နေရာက ပြေးနေမယ်ထင်လဲ...။

နောက်မေးခွန်းတစ်ခု ထပ်စမ်းကြည့်ရအောင်လား ဘာမှမရေးပါနဲ့ ဂဏန်းပေါင်းစက်ကိုလဲ မသုံးပါနဲ့ နောက်ပြီး အမြန်ဆုံးဖြေရမယ်ဆိုတာကိုလဲ မမေ့ပါနဲ့...။ အိုကေပြီဆိုရင် စပြီ .....

(၃)၁၀၀၀ကိုယူလိုက် ၊၄၀ပေါင်း၊နောက်ထပ် ၁၀၀၀ထပ်ပေါင်း နောက် ၃၀ပေါင်း နောက်ထပ် ၁၀၀၀ ပေါင်းထည့်လိုက် ပြီးရင် အပေါင်း ၂၀၊အပေါင်း ၁၀၀၀၊ပြီးရင် အပေါင်း ၁၀ စုစုပေါင်း ဘယ်လောက်ရလဲ...။

မေးခွန်း ၅

(၄) မမြင့်ရီရဲ့ အဖေမှာ သမီးကြီးပဲငါးယောက်ရှိတယ် (၁)ချာချာ (၂)ချယ်ချယ် (၃)ချီချီ (၄)ချိုချို တဲ့....။ ကိုင်းမေးခွန်းက ငါးယောက်မြောက်သမီးရဲ့ နာမည်က ဘယ်လိုမျိုးဖြစ်နိုင်မယ်ထင်လဲ..။

မေးခွန်း ၆

၁။ ၁၂လ ရှိတဲ့အထဲမှာ လူတွေစကားအနည်းဆုံးပြောတဲ့လက ဘယ်လလဲ။

၂။ ခြေထောက်လေးချောင်း ရှိတာတောင် လမ်းမလျှောက် နိုင်တာ ဘာလဲ။

၃။ ဘ၀မှာ အတက်အကျအများဆုံး သူဟာ ဘယ်သူလဲ။

၎။ သူ့ကို ကြိုးချည်လိုက်တဲ့အခါ ပြေးပေမယ့် ကြိုးဖြေပေးလိုက်တာမှ
အသေကြီးရပ်နေတာ ဘာလဲ။

၅။ ဒီဇင်ဘာလ ကလွဲရင် ကျန်တဲ့ လ တွေမှာ မရှိတဲ့ အရာက ဘာလဲ။

၆။ ၁၀ နဲ့၁၀ ပေါင်းတာတောင် ၁၀ ပဲပြန်ရတာ ဘယ်အခါမှာလဲ။

၇။ သူက တစ်လက်မပဲရှိပေမယ့် သူ့အမြီးက တစ်မိုင်လောက် ရှည်နိုင်တာဘာလဲ။

၈။ ကြာလာလေလေ အရပ်ပုလာလေလေ အဲဒါဘာလဲ။

၉။ ညမြင်နေ့ပျောက်ဆိုတဲ့အရာက ဘာလဲ။

၁၀။ သင်တစ်ဦးတည်း ပိုင်ဆိုင်သော အရာ ဖြစ်သော်လည်း သင်၏ မိတ်ဆွေ သူငယ်ချင်း
များကသာ အများဆုံး အသုံးပြုသော အရာကား အဘယ်နည်း။

မေးခွန်လေးတွေက ဒီလောက်ပါပဲ ..... အဖြေလေးတွေကို စဉ်းစားကြည့်ပါနော်... သယ်ရင်းတို့ သိပြီးသားလေးတွေလည်းဖြစ်ရင်ဖြစ်မှာပါဘာပဲဖြစ်ဖြစ် ....သိတဲ့အဖြေလေးတွေ comment မှာရေးသွားနော့်... ပျော်ရွှင်ပါစေ .....

 

 

....

နှုတ် ဆက် ချိန် ....

နှုတ် ဆက် ချိန်

အိပ်ပျက်ညကို
အဖော်ပြုပြီး ငါကိုယ်တိုင်
ခံစားခဲ့ရတဲ့ရက်စွဲတိုင်းမှာ
မင်းနဲ့ပက်သက်ပြီး
ငါအမြဲတမ်းလိုလို .. # #

အလွမ်းဆိုတာကို
ဝိုင်တစ်ခွက်လို မှီဝဲပြီး
ငါကိုယ်တိုင်
ရစ်မူးခဲ့တဲ့ညတွေမှာ
မင်းနဲ့ပက်သက်ပြီး
ငါအမြဲတမ်းလိုလို # #

ကောင်မလေးရယ်
ငါမပြောချင်တော့ပါဘူး
ကဗျာတစ်ပုဒ်နဲ့ပဲ
နင်ကျေနပ်ပေးပါ။
တွေ့ဆုံခြင်းရယ်
ကွာဝေးခြင်းရယ်။
မင်းနဲ့ငါ ...
လက်တွေ့လက်ကျ
ပိုင်ဆိုင်ခဲ့ဖူးတဲ့အရာတွေပေါ့ ။

ဒီ့ထက်လည်း
ငါမကြုံချင်တော့ပါဘူး။
ဒါပေမယ့်...
ငါအမြဲတမ်းရှိချင်တယ်။
ငြိမ်းချမ်းရေး
လက်မှတ်ပါတဲ့ ..
ဘူတာအိုလေးထဲမှာ ။

ဖြစ်တာတော့
ဖြစ်မလာခဲ့ပါဘူး
မိုးတွေလည်း ရွာစပြုနေပြီ
ငါမရှိတော့မယ့် ...
နောက်ရက်စွဲတွေမှာ
မိုးစက်ကလေးတွေနဲ့ ...
နင်ပျော်ရွှင်ပါစေ .. ။

တကယ်တော့ငါမနှုတ်ဆက်ချင်သေးပါဘူး
မင်းနဲ့ငါ နီးစပ်ဖို့က .. .
ကမ္ဘာကြီးတစ်ခု ခြားနေသလိုပဲ

ကံတရားဟာ
မတရားမှုတွေကို
ထမ်းပိုးလားပြီး
ငါ့အိပ်မက်ကို ...
နင်းနင်းပြီး ဖျက်ဆီးနေတယ် ။

မောင်သူရ (ကုန်းမြင့်မြေ)

ငရဲပြည် အတွေ့အကြုံ (တစ်ကယ့်ဖြစ်ရပ်မှန်)

မသိမမြင်သူတို့ ထူး၍မကြောက်ကြသော်လည်း၊ သိသူမြင်သူတို့ကား ငရဲဘေးကို လွန်စွာကြောက်ရွံ့တတ်ကြသည်။ အလောင်းတော် တေမိမင်းသားသည် ငရဲဘေးကိုမြင်၍ (၁၇)နှစ်တိုင်တိုင် ဆွံ့ထိုင်းအယောင် ဆောင်ခဲ့သည်။ သူ့မယားလိုချင်၍ သူ့လင်ကိုသတ်မည် တကဲကဲဖြစ်နေသော ပသေနဒီကောသလမင်းကြီးသည် ဒုသနသော အသံများကြားရသည်မှစ၍ ဗုဒ္ဓ၏အကျယ်တဝင့်ဟောပြမှုကြောင့် ယုတ်မာသောအကြံဆိုးကို စွန့်လွှတ်ခဲ့ဖူးသည်။ ယခုလည်း သက်ရှိဆိုလျှင် ခြင်၊ ပုရွက်ဆိတ်မှအစ ဘာကောင်ကိုမျှ မသတ်ရဲတော့သူ၊ ငရဲဘေးကို ကိုယ်တွေ့ကြုံခဲ့ရဖူးသူတစ်ဦးနှင့် မမျှော်လင့်ဘဲ ဆုံတွေ့ခဲ့ရသည်။

------------------------------------------------------------------------------




ကျနော့်နာမည် အောင်နိုင်ဦးပါ။ ကျနော် (၇)ရက်တိုင်တိုင် သတိလစ်ပြီး ငရဲပြည်ကို ရောက်သွားခဲ့တဲ့အကြောင်း တစ်နေ့ကပဲ ဆရာတော်ကို လျှောက်ထားဖြစ်ခဲ့ပါတယ်။ ခု ဆရာတော်နဲ့ အမှုဆောင်များရဲ့ တိုက်တွန်းမှုကြောင့် ယောဂီများ အားလုံးရဲ့ရှေ့မှာ ကျနော့်ကိုယ်တွေ့ ငရဲပြည်အကြောင်း ပြန်ပြောပြမှာ ဖြစ်ပါတယ်။ ကျနော့်အဖြစ်အပျက်တွေကို နားထောင်ပြီး ငရဲဘေးကလွတ်အောင် မကောင်းမှုတွေကိုရှောင်၊ ကောင်းမှုတွေကို ဆောင်နိုင်ကြစေဖို့ မျှော်လင့်ပါတယ်ခင်ဗျာ။

၂၀၀၂ ခုနှစ်၊ ဂျူလိုင်လ (၃)ရက်နေ့၊ (၁၃၆၄ -ခု၊ နယုန်လပြည့်ကျော် (၈)ရက်) နေ့က၊ ကျနော်ဟာ ဟုမ္မလင်းမြို့နယ်၊ မန်မော်ရွာမှာ ရောက်ရှိနေခဲ့ပါတယ်။ အဲဒီမှာ ရေချိုးမှားပြီး (၇) ရက်တိုင်တိုင် သတိလစ်သွားခဲ့ပါတယ်။ သတိလစ်သွားတယ်ဆိုပေမယ့် ကျနော်ကတော့ ကိုယ့်ကိုယ်ကို သတိလစ်တယ်လို့ မထင်မိပါဘူး။ ဧရာမ လူသန်ကြီးနှစ်ယောက်က ကျနေ့လက်မောင်းကို ကိုင်မပြီး ကျနော့်ကို ခေါ်သွားခဲ့တာပါ။ ကျနော်ဟာ သူတို့နောက်က ပါသွားချိန်မှာ ငိုနေတဲ့ ကျနော့်မိဘနှစ်ပါးနဲ့ သတိလစ်နေတဲ့ ကျနော့်ကိုယ်ခန္ဓာကိုယ်ကို ကျနော် အတိုင်းသား ပြန်မြင်နေခဲ့ရပါတယ်။

ကျနော့်ကို ကောင်းကင်ကနေ ဆွဲခေါ်သွားချိန်မှာ အောက်မှာ ရေပြင်ကြီးကို ဦးစွာ မြင်တွေ့ရပါတယ်။ ချင်းတွင်းမြစ်ရေပြင်ပါ။ ခဏကြာတော့ ဘာကိုမှ မမြင်ရတော့ပဲ ဟင်းလင်းပြင်ကြီးကိုသာ တွေ့မြင်ရပါတော့တယ်။ အဲဒီအချိန်မှာ သူတို့က ကျနော့်ကို တွန်းချလိုက်ကြပါတယ်။ ကျနော်ပြုတ်ကျသွားချိန်မှာပဲ ဧရာမခွေးကြီးနှစ်ကောင်က ကျနော့်နောက်ကို ပြေးလိုက်လာကြပါတော့တယ်။ ကျနော်ပြေးရင် သူတို့လိုက်တယ်၊ ကျနော်ရပ်ရင် သူတို့ရပ်နေတယ်။ ခွေးကြီးတွေရဲ့ မျက်လုံးတွေဟာ အနီရောင် တလက်လက်တောက်နေပါတယ်။ ကျနော်လည်း ကြောက်အားလန့်အားနဲ့ ပြေးရင်း ဗိမာန်တစ်ခုကို သွားတွေ့ပါတယ်။ အရမ်းလှတဲ့ဗိမာန်ကြီးတစ်ခုပါ။ ဗိမာန်ကြီးထဲကို ဝင်ပြေးမယ်လုပ်တော့ အစောင့်က ပေးမဝင်ပါဘူး။ ဗိမာန်ပိုင်ရှင်ဟာလည်း လူ့ပြည်မှာပဲ ရှိနေသေးတယ်လို့ သိရပါတယ်။

ဒီလိုနဲ့ ပြေးရင်းလွှားရင်းကနေ ငရဲမင်းလို့ ပြောရမလားမသိပါဘူး။ အဝတ်အစားပြိုးပြိုးပြောင်ပြောင်ဝတ်ထားတဲ့ ခန့်ခန့်ငြားငြား လူကြီးတစ်ယောက်ရှေ့ကို ရောက်သွားပါတယ်။ သူ့လက်ထဲမှာ ရွှေရောင်စာအုပ်ကြီးတစ်အုပ်ကိုင်ထားပြီး နာမည်ဘယ်လိုခေါ်သလဲလို့ ကျနော့်ကို လှမ်းမေးပါတယ်။ အောင်နိုင်ဦးပါဆိုတော့ ကျနော့်ကိုခေါ်လာတဲ့သူတွေကို “မင်းတို့လူမှားခေါ်လာတယ်၊ သူ့ကို ပြန်ပို့ပေးလိုက်ပါ၊ ငရဲခန်းတွေကိုလည်း လိုက်ပြပေးလိုက်ဦး” ဆိုပြီး ပြောပါတယ်။ ပြီးတော့ “ မင်းသူငယ်ချင်း အောင်ကျော်ဦးကို ပြောလိုက်ပါ၊ လကွယ်နေ့၊ နေ့လည် မွန်းတည့်ချိန်မှာ သူ့ကို လာခေါ်မယ် လို့ ပြောလိုက်ပါ” ဆိုပြီးမှာပါတယ်။

အဲဒီမှာ ကျနော်ကို ပထမဆုံးလိုက်ပြကြတာက သန်းတုပ်ခဲ့တဲ့သူတွေ ခံစားနေရတဲ့နေရာပါ။ ငရဲခံရသူတွေကို ဧရာမ ကျောက်ပြင်ကြီးပေါ်ကို ပစ်တင်လိုက်ကြပြီးတော့ ဧရာမကျောက်လုံးကြီးတွေနဲ့ လှိမ့်ပြီး ကြိတ်နေကြတာပါ။ အရမ်းကြောက်စရာ ကောင်းပါတယ်။ နောက်တစ်နေရာကတော့ ဒယ်အိုးလို့ ပြောရမလားမသိပါဘူး။ ဒယ်အိုးလို့သာ ပြောရတာပါ၊ ကျနော်မြင်ခဲ့ရတာကတော့ မြစ်ကြီးတစ်မြစ်လိုပါပဲ၊ အခိုးတထောင်းထောင်းထနေတဲ့ သံရည်ပူတွေကြားထဲမှာ လူတွေ အပြည့်ပါပဲ၊ အော်ဟစ်ညည်းတွားပြီး ကူးခပ်နေကြရပါတယ်။ ကမ်းပေါ်တက်လာသူတွေကို ကမ်းထိပ်က စောင့်နေတဲ့ ငရဲထိန်းတွေက လှံနဲ့ထိုးချ၊ တင်းပုတ်တွေနဲ့ရိုက်ချကြတော့ ပြန်ပြီးဆင်းပြေးကြ၊ ပြန်ပြီးကူးခပ်ကြနဲ့ တကယ်ကို ကြောက်စရာကြီးပါ။

နောက်တစ်နေရာကတော့ လူတွေရဲ့ ခြေတွေလက်တွေ ခေါင်းတွေကို ဖြတ်လိုဖြတ်၊ ရင်ကိုခွဲပြီး အူတွေကို ထုတ်လိုထုတ်၊ နားနဲ့မနာ ဖဝါးနဲ့နာပါ၊ အင်္ဂါဇာတ်တွေကို ဖြတ်လိုဖြတ်နဲ့ ပိုပြီးတော့ ကြောက်စရာ ကောင်းပါတယ်၊ သူတို့ဟာ လူ့ဘဝတုန်းက ကာမေသုမိစ္ဆာစာရကံကို ကျူးလွန်ခဲ့သူတွေလို့ သိရပါတယ်။ နောက်တစ်နေရာမှာတော့ ဧရာမမြေပြင်ကျယ်ကြီးမှာ လူတွေဟာ အတုန်းအရုန်းလူးလဲအော်ဟစ် နေကြတာကို တွေ့ရပါတယ်၊ ငရဲထိန်းတွေက ဆူးချွန်တွေတပ်ထားတဲ့ ဧရာမဒလိမ့်တုန်းကြီးတွေနဲ့ သူတို့ကို ကြိတ်ချေနေကြပါတယ်၊ သေသွားလိုက်၊ ပြန်ရှင်လာလိုက်၊ ပြန်ခံရလိုက်နဲ့ တကယ်ကို ကြောက်စရာကြီးပါ။

နောက်တော့ ကျနော့ကို ပြန်ခေါ်လာကြပြီး တွန်းချလိုက်ကြပါတယ်၊ ကျနော်လည်း သတိရလာပြီး အဖေတို့ဆီက ရေတောင်းသောက်ရပါတယ်။ အဲဒီနေ့မှာမှ သတိမရရင် ကျတော့်ကို သင်္ဂြိုလ်ကြတော့မယ်လို့ ဆိုပါတယ်။ အော်.. မေ့လို့၊ ငရဲထိန်းကြီးနှစ်ယောက်က ကျနော့်ကို လာခေါ်ကြတုန်းမှာ အဝတ်ဖြူဝတ် သူတော်စင်ကြီးတစ်ယောက်ကို တွေ့ခဲ့ရပါသေးတယ်။ သူက “ကောင်းကောင်းလိုက်သွားပါ၊ မင့်လက်တွေကို ငါလှုပ်ပေးထားမယ်” လို့ ပြောပါတယ်။ ကျနော် သတိလစ်နေစဉ် ခုနစ်ရက်အတွင်း အသက်လည်းမရှူ၊ နှလုံးလည်း မခုန်ပေမဲ့ ကျနော့်လက်ချောင်းလေးတွေကတော့ ခုနစ်ရက်လုံးလုံး ကွေးလိုက်ဖြန့်လိုက် ဖြစ်နေခဲ့တယ်လို့ ဝိုင်းပြောကြပါတယ်။ ဒါကြောင့်မို့ သေပြီလို့ မဆုံးဖြတ်ရဲတာနဲ့ ခုလို (၇) ရက်တိုင်တိုင် စောင့်ကြည့်နေခဲ့ကြကြောင်း ပြောပြကြပါတယ်။ ကျနော့်အမေကဆို “လက်တွေမညောင်းဘူးလား သားရယ်” လို့တောင် မေးပါသေးတယ်။

ကျနော်လည်း ခုနစ်ရက်တိုင်တိုင် သတိလစ်မေ့မျောနေခဲ့တော့ လေသံသဲ့သဲ့လေးနဲ့ပဲ ပြောနိုင်ပါတော့တယ်။ အောင်ကျော်ဦးနဲ့ လူမှားခေါ်ခံရတာဖြစ်ကြောင်း၊ လကွယ်နေ့ မွန်းတည့်ချိန်မှာ သူ့ကိုလာခေါ်မယ်လို့ မှာလိုက်တဲ့အကြောင်း အမေတို့ကို ပြောပြတော့ အမေတို့က ပြန်မပြောဖို့ ပြောပါတယ်။ မတော်ရင် တရားစွဲခံရနိုင်တယ်လို့လည်း ပြောကြတဲ့အတွက်ရော၊ ကျနော်ကိုယ်တိုင်ကလည်း အားမရှိလို့ ပင်ပန်းနေတဲ့အတွက်ရော၊ အောင်ကျော်ဦးအကြောင်းကို နောက်ထပ် မပြောဖြစ်တော့ပါဘူး။ တိုက်တိုက်ဆိုင်ဆိုင်ပဲ သူတို့ပြောလိုက်တဲ့အတိုင်း လကွယ်နေ့၊ မွန်းတည့်ချိန်မှာ အောင်ကျော်ဦးတစ်ယောက် ထမင်းစားနေရင်းကနေ နောက်ပြန်လန်ကျပြီး ဆုံးပါးသွားခဲ့ရှာပါတယ်။ ကျနော့်အဖြစ်အပျက်ကတော့ ဒါပါပဲခင်ဗျာ။ အားလုံးကို ကျေးဇူးတင်ပါတယ်။ ငရဲဆိုတာ တကယ်ရှိပါတယ်။ ငရဲဘေးကလွတ်အောင် ကြိုးစားနိုင်ကြပါစေ ခင်ဗျာ..။
------------------------------------------------------------------------

ယောဂီတစ်ဦး။ ။ နေပါဦးညီလေး၊ ညီလေးကို လာခေါ်တဲ့သူတွေက ဘယ်လိုပုံစံတွေလဲ။
အောင်နိုင်ဦး။ ။ အဝတ်အစားတွေ ဝင်းဝင်းဝါဝါနဲ့ ပြောင်ပြောင်လဲ့လဲ့တွေပါ။ လူကောင်ကတော့ အကြီးကြီးတွေပါ။
ယောဂီတစ်ဦး။ ။ ငရဲမှာ ဗိမာန်လှလှကြီး တစ်ခု တွေခဲ့တယ်ဆိုတာကရော ဘယ်လိုဖြစ်မလဲ။
စာရေးသူ။ ။ ထောင်မှူး ထောင်ပိုင်တွေလို၊ ငရဲပြည်မှာ အုပ်ချုပ်ကြီးကြပ်သူတစ်ဦးဦးရဲ့ နေရာဗိမာန် ဖြစ်ပါလိမ့်မယ်။

အောင်နိုင်ဦး။ ။ အရှင်ဘုရား၊ ငရဲပြည်ကိုရောက်သွားတာက တပည့်တော်ရဲ့ဝိဉာဏ်ကရောက်သွားတာလား၊ စိတ်ကထင်မြင်နေတာများလား ဘုရား။
စာရေးသူ။ ။ ဂတိနိမိတ်ထင်တာလို့ ပြောရမှာပါ။ ဒါပေမယ့် ဂတိနိမိတ်ထင်ပြီးမှ ကံအဟုန် မကုန်သေးတဲ့ အတွက် ပြန်ရှင်လာတယ်လို့ ပြောရမှာဖြစ်ပါတယ်။ ပြန်ရှင်လာသူတွေမှာလည်း အချို့က နာရီပိုင်းလောက်၊ အချို့က နှစ်နဲ့ချီပြီး ပြန်ရှင်လာသူတွေရယ်ဆိုပြီး အစားစားရှိနိုင်ပါတယ်။ ဝိဉာဏ်ကောင်၊ အသက်ကောင်၊ လိပ်ပြာကောင်မျိုးရှိပြီး အဲဒီဝိဉာဏ်၊ အသက်၊ လိပ်ပြာက ငရဲကို ရောက်ခဲ့တယ်လို့ မယူရပါဘူး။ ဗုဒ္ဓအဘိဓမ္မာအလိုအရ စိတ်ဟာ သိပ်ကိုဆန်းကြယ်ပြီး အမျိုးမျိုးသော အာရုံကိုယူနိုင်စွမ်း၊ ထင်မြင်နိုင်စွမ်းရှိတယ်လို့ မှတ်ရပါမယ်။

အောင်နိုင်ဦး။ ။ တပည့်တော်လက်တွေကို လှုပ်ပေးနေမယ်လို့ ပြောခဲ့တဲ့သူတော်စင်ကြီးကရော ဘယ်လိုပုဂ္ဂိုလ်မျိုး ဖြစ်နိုင်ပါမလဲဘုရား။
စာရေးသူ ။ ။ ဒကာလေးရဲ့ ကိုယ်စောင့်နတ် ဖြစ်နိုင်ပါတယ်။

(မှတ်ချက်။ ။ မလေးရှားနိုင်ငံ၊ ဂျိုဟိုးဘာရုမြို့၌ ၂၃-၁-၂၀၁၂ နေ့တွင် ဖွင့်လှစ်ခဲ့သော မိုးကုတ်ဝိပဿနာ တရားစခန်းဝင်၊ ယောဂီ ကိုအောင်နိုင်ဦး၏ ပြောပြချက်များနှင့် အမေးအဖြေအချို့ကို အစီအစဉ်ကျအာင် ပြန်လည်ရေးသားမျှဝေခြင်း ဖြစ်ပါသည်။ ငရဲခန်းပန်းချီများမှာ မုံရွာမြို့၊ ရပ်တော်မူဘုရားကြီး၏ အတွင်းနံရံများ၌ရေးဆွဲထားသော ပန်းချီကားများဖြစ်ပါသည်။)

မေတ္တာဖြင့်
အရှင်ဝိသာရဒ (ရမ္မာဝတီ)

ဂဏန်းသင်္ချာ ဗေဒင်

ဂဏန်းသင်္ချာဗေဒင်သည် အနောက်တိုင်းနည်းကို အခြေခံထားသဖြင့် မြန်မာ ရက် ၊လ၊ နှစ် မွေးရက်များကို မယူပဲ ခရစ် ရက် လ နှစ်ကို တည်လျှက် ဟောကိန်းထုတ်ယူရပါသည်။
ဂဏန်းအားဖြင့် ၁ မှ ၉ အထိ ဂဏန်းတစ်လုံးချင်း၏ရာထူးဂုဏ် ၊ ၀ိသေသနနှင့် အမူအကျင့် များသည် မတူညီကြပါ။ ကိန်းဂဏန်းတို့သည် ဂြိုဟ်တို့ကို ကိုယ်စားပြုကြသည် ဖြစ်သည်။

၁ ဂဏန်း

ဂဏန်းအားလုံးတို့တွင် နေမင်းကို ကိုယ်စားပြုသော တနင်္ဂနွေ (၁) ဂဏန်းသည်
မူလ အရင်းအချုပ်ပင်ဖြစ်လေသည်။ သို့ဖြင့် တနင်္ဂနွေဂြိုဟ် ၁ ဂဏန်းသည် ပြည့်ရှင်မင်းဖြစ်၏။
ဖန်တီးခြင်း၊ တည်ထောင်ခြင်း၊ အသစ်အသစ်ထွင်ခြင်း၊ ထင်ရှားကျော်ဇောခြင်း၊
ပြတ်သားခြင်း၊ ရဲရင့်ခြင်း၊ နောက်မဆုပ်တမ်းလုပ် ခြင်း ဟုဆိုသော ဂုဏ်ထူးဝိသေသတို့ရှိလေသည်။
၁ ဂဏန်းသမားတို့တွင် နောက်ဆုံး၌ ၁ ကျန်အောင် ပေါင်းနိုင်သော
(ဥပမာ ၁။ ၁၀ ။ ၁၉ ။၂၈ ။ ဂဏန်းတို့သည် ၁ ဂဏန်းများပင်ဖြစ်လေသည်။ မည်သည့်လတွင်မဆို
ထိုရက်များ၌ မွေးဖွားသူတို့သည် ၁ ဂဏန်းပိုင်ရှင်များဖြစ်လေရာ

၎င်းတို့သည် ကြီးမြင့်လိုသောစိတ်အား မာန်ကြီး၏။ တိုးတက်ကောင်းမွန်အောင် လုပ်ကိုင်ခြင်း၊ အလုပ်၌
အကြီးအမှူးဖြစ်လိုခြင်း စိတ်တို့ပြင်းထန်၏။ ချုပ်ခြယ်ခြင်းကို မုန်းတီးကြ၏။ လက်အောက်ငယ်သားများကို
အမိန့်နာခံမှ ကြိုက်၏။


၂ ဂဏန်း

၂ ဂဏန်းသည် တနင်္လာ စန်းဂြိုဟ် (လမင်း) က အုပ်စိုးလေသည်။
တနင်္လာဂြိုဟ်မှာ အမ ဖြစ်သဖြင့် သိမ်မွေ့၏။ စိတ်ကူးဥာဏ်ကောင်း၏။
ပန်းချီ၊ ပန်းပု စသော အနုပညာများနှင့် သက်ဆိုင်၏။ စိတ်ကူးယဉ်၏။
စိတ်ကူးယဉ်မှုများသောကြောင့် ထိရောက်အောင် လုပ်နိုင်သည်ကားနည်းပါးသည်။
အလုပ်ထက် စိတ်ကူးကပို၏။ ၂ - ဂဏန်းသမား၏ အပြစ်များမှာ
မငြိမ်မသက် ပြောင်းလဲလုပ်ကိုင်တတ်ခြင်း၊ မတည်ငြိမ်ခြင်း၊ မိမိကိုယ်ကိုယ် ယုံကြည်မှုအားနည်းခြင်း
စိတ်ပျော့အားလျှော့ခြင်းတို့ ဖြစ်လေသည်။ အကြောင်းကိစ တစ်ခုခုတိုင်းတွင်
ရှက်လွယ်၊ကြောက်လွယ်ခြင်း၊ မခံတတ်ခြင်း၊ စိတ်ပျက်လွယ်ခြင်းများဖြစ်လေရာ
ထိုစိတ်များကို နိုင်စေရပေမည်။

၃ ဂဏန်း
၎င်းဂဏန်းကို ကြာသပတေး ဂြိုဟ်က အုပ်စိုးလေသည်။ ကြီးမြင့်လိုသော စိတ်အားထက်သန်၏။
လက်အောက်အဖြစ်မနေလို၊ ၃ ဂဏန်းပိုင်ရှင်များကို မိသားစု ပတ်ဝန်းကျင်တို့က အလုပ်မစွဲမြဲဟု
မြင်တတ်ကြလေသည်။ တကယ်တမ်းတွင် လက်အောက်ငယ်သား၊ အစေခံ ဘ၀များနှင့်
မရောင့်ရဲမပျော်ပိုက်နိုင်သောကြောင့် အလုပ်မမြဲခြင်းများသာဖြစ်ကြလေသည်။
အမိန့်ကိုနာခံတတ်၏။  စည်းစနစ်၊ နည်းစနစ်ကြီး၏။ တာဝန်ယူလိုစိတ်ရှိ၏။
တာဝန်ကိုလည်း ကျေပွန်အောင် ထမ်းဆောင်တတ်ကြလေသည်။

၎ ဂဏန်း
၎င်းဂဏန်း ကိတ်ဂြိုဟ်(ယူနေရးနာ့စ်) အုပ်စိုးလေသည်။ ၄င်းဂဏန်းပိုင်ရှင်တို့သည်
ရန်မထောင်လိုသော်လည်း အများနှင့် ဆန့်ကျင်၏။ အကောက်ကြံသော
ရန်သူများ ၀ိုင်ရံနေတတ်၏။ အစဉ်အလာ နည်းဥပဒေကို မုန်း၏။ ပြောင်းလဲကာ ပြုပြင်တတ်၏။
တိုင်းရေးပြည်ရာကိစများကို ၀ါသနာထုံ၏။ မဖြစ်မနေဟူသော စိတ်ဓါတ်ရှိ၏။
အပြစ်များ မခံတတ်သောစိတ်၊ တစ်ကိုယ်တည်းနေရသူလို မချမ်းမသာသောစိတ်
ရှိတတ်သည်။ စိတ်ညှိုးနွမ်းရတတ်သည်။

၅ ဂဏန်း

၅ ဂဏန်းသည် ဗုဒ္ဓဟူးဂြိုဟ်က အုပ်စိုးလေသည်။ သွက်လက်၏။ ဥာဏ်ကောင်း၏။
အရာရာကို တတ်သိနားလည်နိုင်စွမ်းရှိ၏။ လှုပ်လှုပ်ရှားရှား အဖြစ်အပျက်များကို
ကြိုက်နှစ်သက်၏။ စိတ်မြန်လျှက်နေ၏။ အမြဲလိုလို တက်တက်ကြွကြွဖြစ်နေတတ်၏။
တစ်စုံတစ်ရာကို စိတ်ပါခိုက် ရူးရူးဒိုင်းဒိုင်း ကောက်လုပ်တတ်သည်။ တရူးထိုးစိတ်၊
လေမုန်တိုင်းစိတ် တို့ကြောင့် ဥစ္စာကို တဖြည်းဖြည်း ရှာဖွေစုဆောင်းလေ့မရှိ။
ကြွေတစ်လက်၊ ကြက်တစ်ခုန် တစ်ချက်ကောင်း အကော်ကြံတတ်၏။
လောင်းကစားလို အလုပ်မျိုးကို နှစ်သက်၏။ ချစ်သူခင်သူတစ်ယောက်ဆုံးရှုံးလျှင်
လျှင်မြန်စွာမေ့လျှက် တစ်ယောက်အသစ်ထပ်တွေ့တတ်၏။ ချက်ချင်း ပြန်လည်တုန့်ပြန်သော
စိတ်မျိုးထားရှိ၏။ ကြာလျှင်မေ့၏။ စွဲမြဲပူပန်သောကစိတ် မရှိတတ်။ မိတ်ဆွေအပေါင်းအသင်းများ၏။

၆ ဂဏန်း

လူကြည်ညိုကိုးကွယ်ခြင်းခံရ၏။ အလုပ်၌ပိုင်နိုင်စွာ စိတ်ကိုဆုံးဖြတ်လျှက်ပေါက်ရောက်အောင်လုပ်၏
ခေါင်းမာသူနှင့်တူ၏။ မိမိတို့ကိုယ်တိုင် လိုက်လျော့ချစ်ခင်ကြင်နာလိုသည့်အခါမှတပါး
လျော့ပေးခြင်းမရှိတတ်သောကြောင့်ဖြစ်၏။ လိုက်လျောလျင်ကား သခင်ကို ငယ်ကျွန်ချစ်ခင်သလို
သည်းသည်းခံ၏။ မိခင်နှင့်တူသောအချစ်သည် ၄င်းတို့မှာ ပိုမို၏။ အလှ၊ အနုပညာ၊ ဂီတ၊ ပန်းချီ
စသည်တို့ကို ၀ါသနာပါ၏ တောက်လွင် စိုပြည်ရွှန်းဝေသော အရောင်များကိုနှစ်သက်၏။ အပေါင်းအသင်းများကိုစိတ်ချမ်းမြေ့ပျော်ရွှင်အောင် လုပ်ပေးတတ်၏။ မုန်းထားမနာလို၊ ရန်လိုမသင့်မတင့်ခြင်းကို မလိုလားတတ်ခြင်းရှိ၏။ စိတ်ထလျှင် အသက်ကိုစွန့်၍ တိုက်ခိုက်တတ်၏။ မိမိတို့စွဲလမ်းသော အယူဝါဒ၊ လိုလားသောအရာများအတွက် အသက်ကိုစွန့်၍ ကြိုးစား၏။

၇ ဂဏန်း

၇- ကဏန်းသည် နက်ပကျွန်းဂြိုဟ် အုပ်စိုး။လွတ်လပ်သောစိတ် ကိုယ်ပိုင်ဥာဏ်ရှိ၏။ ထူးချွန်စွာတွေးခေါ် လုပ်ကိုင်နိုင်၏။ မငြိမ်မသက်သွားလာရွေ့ပြောင်းတတ်၏။ဒေသန္တရဗဟုသုတကို နှစ်သက်၏။ စာနှင့် ပန်းချီရေးခြင်းတို့ကို ကြိုက်၏။ အဘိဓမ္မာဥာဏ်ကြီး၏။ ငွေကြေးအရာ၌ ကံမကောင်းရှိတတ်၏။ ဘာသာအယူမှာ သူတပါးနှင့်မတူရှိ၏။ လျှို့ ၀ှက်နက်နဲသောအကြောင်းအရာများနှင့်
သက်ဆိုင်တတ်၏။ လူအများကို မိမိဘက်သို့ ကိန်းညွတ်စေတတ်၏။


၈ ဂဏန်း

၈ ဂဏန်းသည် စနေဂြိုဟ်အုပ်စိုး၏။ တစ်ကိုယ်တည်းနေရတတ်၏။ အထီးကျန်သမားစိတ်အားထက်
ပိုမိုပြင်းပြ၏။ ထူးချွန်စွာလုပ်ပြတတ်ကြ၏။ ထင်ရှားကြီးကျယ်သော ဌာနတို့ကို ရတတ်၏။ သို့သော်လည်း
ကြီးစွာ ပျက်စီးတတ်၏။ သူတစ်ပါးကိုလည်း ပျက်စီးအောင် အကြောင်းပြုတတ်၏။ ဘာသာအယူသီး၏။
အများထင်မြင်ချက်ကို အတင်းခုခံဆန့်ကျင်တတ်၏။ ဂရုမစိုက်တတ်ဟန်ရှိသော်လည်း ဖိစီးနှိပ်စက်
ခံရသူများကို သနားတတ်၏။ မည်သူ မည်သို့ပင်ထင်စေကာမူ ဂရုမစိုက်ဘဲ မိမိတို့၏ စိတ်နေသဘောထားပုံကိုမပေါ်ပေါက်စေအောင် လျှို့ဝှက်တတ်၏။အကြီးအကျယ်သော် လည်း အောင်မြင်စေတတ်၏၊  အကြီးအကျယ်သော်လည်း ပျက်စီးတတ်၏။ ၄င်းတို့ အလယ်အလတ် သဘောကား မရှိတတ်။

၉ ဂဏန်း

၉ ဂဏန်းသည် အင်္ဂါအုပ်စိုးလေသည်။ ငယ်စဉ်ကပင် အခက်အခဲမျိုးစုံနှင့်ကြုံတွေ့ရတတ်၏။
နောက်ဆုံး၌ ဇွဲကောင်းကောင်းနှင့်အောင်မြင်တတ်၏။ စိတ်မြန်၏။ လောကြီးသောစိတ်၊ လွတ်လပ်သောစိတ်၊လက်အောက်ခံမလုပ်ချင်သောစိတ်၊ သခင်စိတ်တို့ဖြင့် ပြည့်လျှံနေ၏ တစ်သက်တာ အရေးကြီးသောအဖြစ်အပျက်တို့တွင် ရန်သူပေါများတတ်၏။ အတိုက်အခံများ၏ ။ မိမိကိုယ်ကို အားကိုးယုံကြည်စိတ်အားကြီး၏။ အရိုအသေအပြုခံချင်၏။ အိမ်၌ သြဇာအာဏာရှိချင်၏။ ရုတ်တရက်ဥာဏ်ကောင်း၍ အရေးရှိက အကြံကောင်းထုတ်တတ်၏။ ဖွဲ့စည်းစီမံခြင်းအရာ၌ လိမ္မာ၏။ မစီမံရလျှင် ပျက်ပျက်စီးစီး သဘောထားက လျစ်လျူရှုတတ်၏။ လိမ္မာပါးနပ်လွန်းသူ တစ်ယောက်ယောက်၏ ပြောတိုင်းယုံ၊လုပ်တိုင်းခံ၊ အရူးအမိုက်ပီပီကဲ့သို့ ကျင့်တတ်၏။ မိမိတို့၏စိတ်ကို ထိန်းနိုင်လျှင် ကြီးပွားချမ်းသာတတ်၏။


                                                        ဆင့်ကဲ ဖော်ပြချက်အတွဲဂဏန်းများ                                         

၁၀ - အကောင်းအတွက်လည်းကောင်း ၊ အဆိုးအတွက်လည်းကောင်း ၊ ရှိရင်းစိတ်သဘောထားအတိုင်း ထင်ပေါ်ကျော်ကြားတတ်၏ အကြံအလုပ် အောင်မြင်ခြင်းကိုပြ၏။

၁၁- ဘေးအန္တရယ်များခြင်းနမိတ်ကိုပြ၏။ မကောင်းကြံခြင်းခံရတတ်၏။ ဆုပ်သောလက်သီး၊ ပါးစပ်ကိုအချုပ်ခံရသောခြင်္သေ့နှင့်တူ၏။

၁၂- ဒုက္ခခံခြင်း၊ သူတပါးအတွက်စွန့်လွတ်ခြင်း၊ သူတစ်ထူးမကောင်းကြံ၍ ဆင်းရဲဒုက္ခရောက်ခြင်း တို့ဖြစ်၏။
၁၃- အကြံအစည်ပြောင်းလဲခြင်း၊ တံဇဉ်ကိုကိုင်သောအရိုးခြောက်၊ အများအားဖြင့် မကောင်းဟု အယူရှိသော်လည်းသတိထားတတ်သူအတွက် ကောင်းကျိုးကို၊ အောင်မြင်ခြင်းကိုပြု၏။ တန်ခိုးကြီးခြင်း၊ အလွဲသုံးစားလုပ်လျှင် ပျက်စီးခြင်း၊ထကြွသောင်းကျန်းခြင်းများကို နှိမ်နှင်းသော ဂဏန်းဖြစ်သည်။

၁၄- ပျက်စီးပြောင်းလဲခြင်း၊ အလုပ်ပြောင်းလဲခြင်း၊ လောင်းကစားခြင်းနှင့်တူသော အရောင်းအ၀ယ်တို့၌ အကျိုးပေး၏။သို့သော် အခြားသူတို့၏ မိုက်မဲခြင်းကြောင့် အကျိုးကြီးစွာ ယုတ်တတ်၏။

၁၅-  ၄င်းသည် မှော် မျက်လှည့်ကိုပြ၏။ ၁ လုံးဂဏန်း အကောင်းတစ်ခုခုနှင့်တွဲလျှင် ကောင်းကျိုးကိုပေး၏။
မှော်အတတ်ကို လိုက်စားလို၏။ အသုံးပြုတတ်၏။ အခြားသူများထံမှ ငွေကြေးကို ရလွယ်တတ်၏။ သူတစ်ပါး အ မ အစကိုရတတ်သောကြောင့်ဖြစ်၏။

၁၆ မျိုးကြီးမှန်သော ရဲတိုက်ကြီးမှ သရဖူကို ဆောင်းသူတစ်ယောက် ဦးခေါင်းကျ၍နေ၏။ အကြံအစည်ရှုံးနိမ့်ခြင်းအထိအခိုက်ဖြစ်ခြင်း၊ အနာဂတ်ဘေးကို နိမိတ်ပြ၏။ နာမည်ဂုဏ် သတင်းကျန်ရစ်တတ်၏။ အခက်အခဲတွေ့သော်လည်း စိတ်ဓါတ်မကျ။မသေမပျောက်သော ဂဏန်းသွေးစက်များ ထွက်ကျ၍နေသော ၊ အရောင်ထွက်သော ၀ံပုလွေတစ်ကောင်နှင့် ခွေးတစ်ကောင်
သွေးစက်များကို ပါးစပ်နှင့်ခံယူနေကြ၏။ ၄င်းခွေးကို ပုဇွန်လုံးတစ်ကောင် ပြေး၍လိုက်၏။

၁၇ - ရုပ်နှင့်နာမ် ရန်ဖြစ်ခြင်း၊အိမ်သားချင်း ကြီးစွာခိုက်ရန်ဖြစ်တတ်ခြင်း၊အပြိုင်အဆိုင်တို့နှင့်ပတ်သက်လျှက် ကြီးပွားချမ်းသာခြင်း။ အခြားသူများမကောင်းကြံသော၊ လိမ်လည်မည်ကိုပြသောနိမိတ် ပြ၏။

၁၈-  အရောင်ထွက်သောလမှ သွေးများကျ၍နေ၏။ နာမ်ဝိညာဉ်နှင့်ဆိုင်သော ကိစ္စများ လွမ်းမိုးသည်ကို ပြ၏။ခိုက်ရန် ၊ တိုက်ရေးခိုက်ရေးနှင့် ရာထူးအခြေအနေ၊ လာဘ်လာဘကိုရခြင်း၊ ပေါက်ကွဲခြင်း စသည်တို့ကိုပြ၏။

၁၉- လွန်စွာကောင်း၏။ မိုးနတ်သားဂုဏ်ကျက်သရေ၊ သုခချမ်းသာကိုပြ၏။

၂၀- နိုးကြားခြင်း၊ အကြံအစည်သစ်၊ အလုပ်တာဝန်တို့ကို ဆောင်ရာ၌ သတိထားရခြင်းကိုပြ၏။
လောကစည်းစိမ်နှင့်ပတ်သက်ရာ၌ မသေချာတတ်၊ အနာဂတ်အရေးများနှင့် ပတ်သက်ရာ၌ ဖင့်နှေးခြင်း၊
အနှောင့်အယှက်များကိုပြ၏။ကိုယ်ကျင့်တရားကို စောင့်ထိန်းခြင်းဖြင့်အခက်အခဲများကို နိုင်အောင်ကြိုးစား

ရာ၏။
၂၁- ၃ ဂဏန်းနှင့် အတူတူပင်ဖြစ်သည်။

၂၂- လူကောင်းတစ်ယောက်၌ ကျောဘက်တွင် အမှားပေါင်းစုံ၊ ၀န်ထုပ်ပိုးလျှက် ကျားတစ်ကောင်ကို ခုခံခြင်းမပြုဘဲနေ၏။အခြားသူများ၏ မိုက်မဲမှုကို မိမိကခံယူသောသဘောရှိ၏။ အထင်အမြင်မောက်မှား၍ အဆိုးကိုအကောင်းထင် တံလျှပ်ကိုရေထင်သောသူနှင့်တူ၏။ စိတ်ရင်းကောင်းလျှက် အထင်အမြင်လွဲမှားခြင်း၌ ပျော်ပိုက်သူဖြစ်၏။ အိပ်မက်၌ ပျော်ပိုက်လျှက်
နိုးလျှင် စိတ်ညစ်သောသူဖြစ်၏။ အနာဂတ်အတွက် သတိပေးသော ဂဏန်းဖြစ်ပါသည်။

၂၃- အောင်မြင်ခြင်း၊ အထက်လူတို့၏ မ စ ခြင်း၊ အကြံအောင်ခြင်း။

၂၄-  အချစ်အကြိုက်နှင့်ပတ်သက်လျှက် အကျိုးခံစားရတတ်၏။

၂၅- အထုံအချေ ၊ အတွေ့အ ကြုံများခြင်းဖြင့်အကျိုးခံစာရခြင်း၊ အမှတ်သညာထားရှိခြင်း၊
ငယ်ရွယ်စဉ်က အပင်ပန်းခံသဖြင့် အကျိုးခံစားရခြင်းဖြစ်၏။ အနာဂတ်ရေးအတွက်ကောင်း၏။

၂၆- အနာဂတ်ဘေးကိုပြ၏။ အများနှင့်ပေါင်းသင်းသဖြင့် ဘေးဒုက္ခတွေ့ ခြင်းကိုပြ၏။
တစ်ချက်ကောင်းအလုပ်၊ လောင်းကစားခြင်းနှင့်ပျက်စီးတတ်၏။

၂၇= ပညာဥာဏ်ကောင်းမြတ်သော အကျိုးစီးပွား နှင့် ကံကောင်း၏။

၂၈- ကြီးပွားချမ်းသာနိုင်လျှက် အမှုမဲ့ နေသဖြင့် ဆင်းရဲတတ်ခြင်း၊ အမှုအခင်းအတုအပြိုင်များခြင်း၊
အဖန်တလဲလဲ အလုပ်ကို အရင်းအခြေမှ ပြန်စလျှက် လုပ်ကိုင်ရတတ်၏။ ဖြစ်ပြန်ပျက်ပြန်သော
လောကဓံ ဂဏန်းအစစ်ဖြစ်သည်။

၂၉ -မတွေးမခေါ်သော ဘေးအန္တရယ်များ ရုတ်တရက်ပေါ်ပေါက်လာတတ်၏။ အလိမ်အကောက်၊
မကောင်းကြံခြင်း၊ သစ္စာမရှိသော မိတ်ဆွေတို့နှင့်တွေ့ ရခြင်း၊ မိန်းမများ၏လှည့်စားခြင်း ခံရမည့်ဂဏန်းဖြစ်သည်။

၃၀- စဉ်းစားဆင်ခြင်တတ်ခြင်း၊ ဥာဏ်ကြီးခြင်း၊ သာမာန်လူများထက် အကြံဥာဏ်ပိုခြင်း၊ လောကီရေးရာတို့ကိုဂရုမစိုက်တတ်ခြင်း၊ လောကီစည်းစိမ်အလုပ်များကို လျစ်လျူရှုတတ်ခြင်း၊ ကံကောင်းသည် ဆိုးသည်ဟူ၍ မရှိသကဲ့သို့ဖြစ်၏။ ဆိုးသော်လည်း အရေးမကြီး၊ ကောင်းသော်လည်း မထောင်းသာ စိတ်သာရှင်စော ဘုရားရှင်ဟောသောအတိုင်း ဖြစ်၏။

၃၁- ဂဏန်းသည် ၃၀ နှင့်တူ၍ ၄င်းထက် ပိုမိုငြိမ်သက် အေးချမ်းစွာနေတတ်၏။

                 (အထက်ပါ ဂဏန်းပိုင်ရှင်များအားလုံး ကိုယ်၊ စိတ် ချမ်းသာခြင်းနှင့် ပြည့်စုံနိုင်ကြပါစေနော်(ရဲတေဇကျော်))

                                                                                                                            ရဲတေဇကျော်......ဆက်လက်တင်ပြပါဦးမည်....
(E-mail ကနေအသစ်တင်တိုင်း ဖတ်ချင်လျှင်မန်ဘာဝင်သွားပါရန်)