ချစ်ခြင်းပုံပြင်(၆)

ဒီ ချစ်ခြင်းပုံပြင်လေးကတော့တကယ့်အဖြစ်လေးပါ..

သူမကျောင်းလှေကားတွေအတိုင်း အပြေးလေးတက်နေခဲ့ပါသည်.အသက်အရွယ်အရ ဇရာရဲ့ဖိစီးမှုက ယခင်လို မသွက်လက်နိုင်တော့ပါ.
အရာရာပြောင်းလဲခဲ့ပါပြီ.ကျောင်းအဆောက်အဦးတွေသည် ယခင်လို အားမာန်အပြည့်နဲ့ ရှိနေခြင်းထက်
သစ်လွင်သော နုပျိုသော အသွင်သစ် အမြင်သစ်ဖြစ်နေခဲ့လေပြီ... နှစ်(၄၀)ကျော်ကြာခဲ့ပြီပဲ..ခေတ်တွေစနစ်တွေပြောင်းခဲ့ပြီးလေပြီ..အရာရာသည်အသစ်ဖြစ်နေလေပြီ...

သူမမှာအသစ်တွေ ကြားက အဟောင်းရဲ့ အငွေ့အသက်တွေကို ပြန်လည်ဖွေရှာရင်း...
လွန်လေပြီးသော အတိတ်ကာလကို ပြန်ပြောင်းအောင်းမေ့နေမိသည်.
သူနဲ့အတူ သူမ ဒီကျောင်းတော်ကြီးမှာ အတူတူ စာသင်ခဲ့ဖူးသည်.မတူညီတဲ့ ခံယူချက်တွေအတွက် အပြင်းအထန်ငြင်းခုန်ခဲ့ဖူးသည်
တက်ကြွတဲ့ လူငယ်တွေပီသစွာ မတူညီတဲ့ ခံယူချက်တွေသဘောထားတွေအတွက် ကွဲလွဲခဲ့ဖူးသည်.
သူနဲ့သူမ အကြား လူတန်းစားမတူညီမှုဆိုတဲ့ စကားလုံးက စည်းခြားစေခဲ့သည်.
ကျောင်းတော်ထဲမှာ သူနဲ့ သူမ အတူပျော်ခဲ့ဖူးသည်.ငိုခဲ့ဖူးသည်.သဘောထားကွဲလွဲခဲ့သည်.
ဘယ်လိုပဲ အမြင်တွေကွဲကွဲ အလွှာတွေခြားခြား ခံယူချက်တွေဆန့်ကျင်ငြားလဲ သူ့ကိုသူမအလွန်ချစ်ခဲ့သည်.
သူကလဲသူမကိုနားလည်ခဲ့သည်.သည်းခံခွင့်လွတ်ခဲ့သည်ပဲလေ..မတူညီမှုတွေကြားမှာ အတူတူ မခွဲအတူ ရှိပါမည်ဆိုတဲ့
သူတို့နှစ်ဦးရဲ့ ဆန္ဒတစုံကို ထိုင်ဝမ်နဲ့ ပြည်မကြီး နှစ်ခြမ်းကွဲခြင်းက ဖျက်ခြွေခဲ့သည်ပဲလေ...

သူမ မိသားစုနဲ့အတူ ထိုင်ဝမ်ကိုပါသွားခဲ့သည့်ထိုနေ့ရက်ထဲက သူနဲ့ ကွဲကွာခဲ့သည်.ခုအချိန် ..နှစ်(၄၀)ကျော် ကြာတဲ့တနေ့
သူနဲ့ဆုံခဲ့ရာ ဒီနေရာကို သူမပြန်ခြေချခဲ့လေပြီ..တသက်တာမှာပြန်မရောက်နိုင်တော့ဘူး ထင်ထားခဲ့သော သူမရဲ့ အမှတ်တရနေရာ
လေးကို ပြန်ရောက်ခွင့် ရခဲ့လေပြီ.သူမဖြတ်သန်းခဲ့သော နှစ်(၄၀)အတွင်း အကိုတွေအမတွေက မွေးသော သားတွေမြေးတွေ ကို စောင့်ရှောက်ရင်း တကိုယ်တည်း အပျိုကြီးဖြစ်နေခဲ့သည်.သူမကို အထီးကျန်တဲ့ ခပ်ကြောင်ကြောင်လို့အမျိုးတွေကထင်ခဲ့ကြသည်.
သူမအထီးကျန်မဆန်ခဲ့ပါ.သူမရင်ထဲမှာ သူတယောက်က အမြဲရှင်သန်နေခဲ့သည်.အမြဲအဖော်ပြုပေးနေခဲ့သည်.

သူနဲ့အတူ ပျော်ခဲ့ဖူးသော ကျောင်းတော်အနှံ့ လျှောက်ကြည့်နေရင်း သူ့အကြောင်းစဉ်းစားနေမိသည်.သူ့ကိုသတိရနေမိသည်
နှစ်(၄၀)ကြာခဲ့ပြီပဲ...
ဒီ အချိန် သူမှ အသက်ရှင်ရက် ရှိနေသေးရဲ့လား
အသက်ရှင်နေခဲ့ရင်ကော ကျန်းကျန်းမာမာရှိရဲ့လား..ဇရာတွေထောင်းတဲ့ အရွယ်ရောက်နေပြီလေ..
သူနဲ့ကွဲကွာနေခဲ့သော အချိန်အတွင်းမှာ အိမ်ထောင်ရက်သားကျလို့ မြေးတွေတောင်ရရောပေါ့လေ..
သူသာပျော်ပျော်ရွင်ရွင်နဲ့ ဘ၀ကိုဖြတ်သန်းနိုင်မယ်ဆိုရင် ကိုယ်ကျေနပ်ပါတယ်...ဒီလိုအတွေးမျိုးဆုံနဲ့ လျှောက်လာရင်း
သူ့ကိုအဖြေပေးခဲ့ရာနေရာ..ကျောင်း ဥယျာဉ်နားရောက်ခဲ့လေပြီ..
အို..လှလိုက်တာ.. သူမအလွန်ကြိုက်သော ပန်းတွေ ..တခင်းပြီးတခင်း ကြည့်နေရင်း ကြည်နူးမိသည်.
ပျော်ရွင်မိသည်. ဒီကျောင်းရဲ့ ဥယျာဉ်မှူးကို သိချင်လာသည်..ဟုတ်တယ် ..သူမ က ပန်းမကြိုက်တတ်သော မိန်းကလေးတယောက်..ခု ဒီပန်းမျိုးကလွဲရင်ပေါ့..သူမကြိုက်သော တမျိုးတည်းသောပန်း..မွှေးရနံ့ ကိုအားပါးတရ
ရှုရှိုက်ရင်း ဖြတ်သွားသော ကျောင်းသူမလေးကိုမေးမိတယ်

”သမီးလေး..ကျောင်းဥယျာဉ်မှူးကို သိလား.အဖွားသူနဲ့ တွေ့ချင်လို့ .သူဘယ်နားမှာရှိတတ်လဲ”

”ကျောင်းဥယျာဉ်ရဲ့ ဟိုဖက်ခြမ်းမှာရှိတတ်တယ် အဖွား..အဖွားတို့အရွယ် အဖိုးတယောက်ပဲ.အဲ့အဖိုးက လူတမျိုး အဖွားရဲ့
အသက်ကြီးပြီမို့ မလုပ်ဖို့ ကျောင်းအုပ်ကြီးကပြောလဲ ..လခ မပေးရင်နေပါ.ဒီ ကျောင်းမှာ ဥယျာဉ်မှူးအဖြစ်နဲ့ သူ အလုပ်လုပ်နိုင်သရွေ့ လုပ်ခွင့်ပေးပါ ဆိုပြီး ဆက်လုပ်နေတာပဲ.ကျောင်းထဲက တခြားနေရာတွေထက် ဒီ နေရာလေးကို ပဲ
ပိုပြီးဂရုစိုက်တတ်တယ် နောက် ဒီနေရာမှာ ဒီ ပန်းတမျိုးပဲစိုက်တယ် တခြားပန်းစိုက်ဖို့ ဘယ်သူကပြောပြောလက်မခံဘူးလေ..
အဖွားတွေ့ချင်ရင် ဟိုဖက်ခြမ်းသွားလိုက်ပါ”

ကျောင်းသူမလေး အဖြေ အပြီးသူမစိတ်ထဲ မျှော်လင့်ချက် တခုလင်းလက်သွားခဲ့သည်.
သူများဖြစ်နေမလား ..
လျှင်မြန်ခြင်းများစွာနဲ့ အတူ ပန်းခြံလေးရဲ့ တခြားတဖက်ခြမ်းကို သူမရောက်ရှိခဲ့ပြီ..ပန်းပင်တွေကြား အဖိုးအိုတဦးရေလောင်းနေသည်ကို သူမမြင်ရလေပြီ..အနီးနားပြေးသွားမိသည်.ဟုတ်တယ် သူမှ သူပါပဲ
သူမှသူပါ ..သို့သော် အရင်လို ဖျတ်လတ်တက်ကြွသော ဟန်ပန်များမရှိတော့ချေ
သူမ သူရှေ့ တွင် ခြေစုံရပ်ရင်း သူ့ကို မျက်ရည်ဝဲနေသော မျက်ဝန်းများဖြင့်ငေးကြည့်နေမိသည်.
ပြောစရာစကားအစ၇ှာမရပါ. သူ သူမကိုမော့ကြည့်သည်.
ပထမ မမှတ်မိ..နောက် အံ့သြမှုတွေနဲ့မျက်ဝန်းတစုံ..
နောက်.. ပါးစပ်ကလဲ ”မင်းပြန်လာပြီနော်..မင်းပြန်လာတဲ့အခါ မင်းကို လက်ဆောင်ပေးရအောင် မင်းကြိုက်တဲ့ပန်းတွေကို စိုက်ရင်း မင်းကိုစောင့်နေခဲ့တာ..ငါ့အိမ်မက်တွေတကယ် ဖြစ်လာခဲ့ပြီ” ဒီ တခွန်းကိုသာ အထပ်ထပ်ပြောရင်း သူမကိုဖက်ပြီး သူရှိုက်ကြီးတငင်ငိုလေပြီ..
သူသည်လဲ သူမပြန်အလာကို နှစ်(၄၀)ကျော် ကြာစောင့်နေခဲ့သည်.သူမမျက်ဝန်းမှာလဲ မျက်ရည်တွေနဲ့ပါ.

သူမရင်ထဲမှာလဲ သူအတွက် စကားတခွန်းကို ထပ်တလဲလဲ ပြောနေမိတယ် .”ဒီတခါတော့ ငါတို့ ဘယ်တော့မှ မခွဲတော့ဘူး .ငါတို့ သေသည့်တိုင် အတူတူ တယောက်ကိုတယောက် ဖေးမကြင်နာရင်း ဘ၀ရဲ့နောက်ဆုံးအချိန်တွေကို အတူတူဖြတ်သန်းကြမယ်”

<3<3<3<3<3<3<3<3<3<3<3<3<3<3<3<3<3<3<3<3<3<3<3<3<3<3<3<3<3<3<3<3


တရုတ်ပြည်နဲ့ ထိုင်ဝမ်နဲ့ နှစ်ခြမ်းမကွဲခင်တခေတ်တခါက တရုတ်ပြည်က အဖိုးနဲ့အဖွားရဲ့ တကယ့်အချစ်စစ် အချစ်မှန်
ဖြစ်ရပ်ကလေးပါ. နှစ်(၄၀)ကျော်ကြာ ကံအကြောင်းမလှလို့ ကွဲကွာခဲ့လဲ တစ်ယောက်ကိုတယောက် သစ္စမပြယ် မေတ္တာမဖယ်ပဲ
ချစ်လျှက်ပါပဲ..
အချိန်/နေရာ ဝေးကွာခြင်းသည် မှတ်ကျောက်တင် မခံနိုင်သော အချစ်များစွာကို အဆုံးသတ်ပေးပြီး စစ်မှန်သည့် အချစ်တို့ကိုမူ ခိုင်မာရင့်ကျက် လေးနက်စေလေသည် ဆိုတဲ့ စကားလေးကို သူတို့နှစ်ဦးကသက်သေပြလိုက်တာပါပဲ
ကဲ..ဒါဆို အခြေအနေအရ ခွဲခွာနေကြရတဲ့ သူငယ်ချင်း စုံတွဲတွေရေ..
ဒီ တရုတ်အဖိုးနဲ့ အဖွားလို ချစ်နိုင်ကြပါစေလို့ တောင်းဆုပြုရင်း
ဝင်းသု